المقدمة :
مشكلة كبيرة بتقابل اي حد بيحاول يغير الواتس الاساسي باي واتس تاني او
العكس ونفس المشكلة بتحصل لما بتحاول تنقل الواتس بتاعك من تليفون لتليفون تاني
وهي انك بتفقد جميع المحادثات اللي موجودة علي الواتس واللي ممكن تكون بقالها
سنين ... طيب ايه الحل ؟؟؟تابع معايا الشرح خطوة خطوة الموضوع ان شاء الله بسيط
جدا بس تابع الفيديو للاخر ......بس استنا قبل ماتكمل الفيديو متنساش تعمل لايك
واشتراك للقناة وتفعل زر الجرس علشان يوصلك كل جديد ...يلا بينا
سلام عليكم معاكم هشام من قناة المعلوماتي هنشرح اول حاجه ازاي تنقل المحادثات من الواتس الاساسي لاي واتس تاني او العكس
سلام عليكم معاكم هشام من قناة المعلوماتي هنشرح اول حاجه ازاي تنقل المحادثات من الواتس الاساسي لاي واتس تاني او العكس
اولا : طريقة نقل المحادثات من واتس لواتس بالصور :
1 - اول حاجه هنعملها هندخل الاول علي الواتس الاساسي اللي عايزين ناخد منه
نسخه بعد ما نفتح الواتس ندخل علي (( الاعدادات >> الدردشات>>
نسخ احتياطي للدردشات >>نسخ احتياطي )) .. للتوضيح تابع الصور
بعد الانتهاء من عمل نسخة احتياطية للدردشات والمحادثات نيجي للخطوة التانيه
.
2 - هندخل علي مدير الملفات 🗂 file manager اللي موجود في الهاتف وهنبحث عن فولدر "whatsapp" تابع شرح
الصور ...........
هنبحث عن فولدر (whatsapp)
هتفتح الفولدر بعدين هتعلم علي فولدرين واحد اسمه (Databases ) والتاني (Media)
هيطللعلك مجلك اخره .zip بالشكل دا
علشان الناس اللي ممكن تكون مش واخده بالها احنا عملنا ايه انا هشرحلك وبعدين نكمل علشان تفهم ..
بص يا سيدي احنا لما بنعمل نسخه للدردشات زي ما عملناها في اول الشرح فوق النسخه دي بتتحفظ عندك في التليفون في ملف الواتس Whatsapp اللي احنا دخلنا عليه وبعدين علمنا علي فولدرين اتنين اللي هما لان دول اللي فيهم النسخه الاحتياطية اللي عملناها وضغطناهم في ملف واحد علشان نقدر ننقلهم كويس بشكل افضل واسرع وبدون مشاكل من اي واتس لواتس تاني زي الواتس الذهبي Whatsapp gold او واتس ايرو Whatsapp aero او اي واتس عموما وكمان تقدر تنقلها من موبايل لموبايل تاني وممكن تحفظها عندك علي اللاب او اي موبايل تاني وممكن تحتفظ بيه علشان لو فقدث المحادثات ومش عارف ترجعها يبقي عندك منها نسخه ترجعها منها بسهولة وممكن كل فترة طبعا تعمل نسخه جديده وتحتفظ بيها وتمسح القديمة المهم نرجع نكمل الشرح وياريت متنساش تدخل قناة اليوتيوب وتدعمنا باشتراك ولايك وتفعل زرار الجرس علشان يوصلك كل جديد .
نرجع للشرح تاني :
"هنشرح مثلا علي الواتس الذهبي " وازاي ننقل عليه المحادثات من الواتس الاساسي
اول حاجه هتحمل الواتس الذهبي من هنا "الواتس الذهبي اخر اصدار whatsapp gold"
بعد ما تسطبه امشي معايا في بالشرح ومتعملش حاجه تانيه
اقرا ايضاعمل cv احترافي ومجاني في خمس دقائق
اقرا ايضانقل محادثات الواتساب
لما يفتح ويجبلك الشاشه دي اطلع من البرنامج
هنروح للضبط من علي الجهاز وندخل علي مدير التطبيقات
هندخل مدير التطبيقات ونختار whatsapp الاصفر
وبعد كده تدخل علي اذونات التطبيق وتدي صلاحيه ان التطبيق يوصل للوسائط
والملفات
بعد كدا هندخل علي مدير الملفات تاني وندور علي فولدر الواتس الذهب
علشان ننقل فيه المحادثات
هتلاقي الفولدر اسمه com.whatsapp2plus
هتلاقي الفولدر اسمه com.whatsapp2plus
ملحوظة مهمه ..لو مش لاقي الفولدر دا برده هتلاقيه في المسار دا ((
Android >> Media )) هتلاقيه جوا الفولدر دا
هتاخد الملف اللي احنا عمل ليه ضغط وتنقله في الفولدر دا وتضغط عليه
وتعمله استخراج هنا
بعد الاستخراج هيطلعلك الملفين اللي ضغطناهم اللي هما databases و Media
ركز معايا قوي لان دي اهم خطوة في كل دا
هتفتح فولدر Databases وتعلم علي كل الفايلات اللي جواه الا الفايل الاخير هتلاقي اسمه زي اللي
في الصورة بالظبط دا متمسحوش
بس كدا هترجع تفتح الواتس الذهبي تاني هتلاقيه جابلك الرسالة دي
"تم العثور علي نسخه احتياطية " طالما دي ظهرت يبقي انت عملت كل حاجه صح هتضغط استعادة
"تم العثور علي نسخه احتياطية " طالما دي ظهرت يبقي انت عملت كل حاجه صح هتضغط استعادة
وبس يا سيدي كدا نقلنا كل الماحدثات من واتس لواتس ونفس اللي عملناه دا هتعمله لاي واتس تاني ولو عايز تنقل من جهاز لجهاز كل اللي عليك انك هتبعت ملف الضغط اللي عملناه من جهاز لجهاز باي وسلة شير او علي التليجرام او usb ,وتعمل نفس اللي عملناه
أتمني يكون الشرح افادكم متنسوش تدعمونا علشان نستمر ونقدم كل جديد .. اللهم صل وسلم علي نبينا محمد عليه افضل الصلاة والسلام ..السلام عليكم
هذا كل شئ اذا كان هناك اي سؤال اتركه لنا في التعليقات ولاتنسي دعمنا بالاشتراك في
قناتنا علي اليوتيوب :
وعلي الفيس بوك :
تعليقات
إرسال تعليق